露雲娜喊住復出陳奕迅送吻
闊別廿八年，露雲娜、賈思樂攜手再踏舞台為慈善開騷，感性的露雲娜能夠再遇老拍檔，開心得喜極而泣，今次二人先試水溫，下一個目標瞄準紅館，自嘲要避風頭的陳奕迅為撐前輩場，神秘現身向兩人獻花又飛吻。
當年有「金童玉女」之稱的露雲娜（Rowena）與賈思樂（Louie），相隔廿八年後再攜手開騷，二人的「ASANA│愛養生呈獻露雲娜 賈思樂Reunited慈善演唱會」將於五月廿九至卅日在灣仔伊利沙伯體育館舉行，昨日兩人盛裝出席記者會，並即席晒靚聲，能夠再次跟Louie合作，Rowena感動得當眾哽咽流淚。
被讚思想前衞
曾經與Rowena合唱過的陳奕迅（Eason），以神秘嘉賓身份出現獻花，司儀盧敏儀笑言Eason很難先邀請到，Eason笑說：「我好易請，但呢排要避風頭。」因為很多人向他撲演唱會飛，他大讚Rowena是型女，思想前衞，視Louie為前輩的他說：「佢頒過新人獎畀我。」雖然Rowena誠邀Eason做個唱嘉賓，但Eason忙於自己七月個唱，所以未有應承，匆匆撐場的Eason離開時更大送飛吻，非常搞笑。
目標進軍紅館
Rowena自爆十三歲就認識Louie，Louie笑說：「我哋金童玉女形象都好多年，好似走番廿八年前喺無綫合作咁開心。」Louie取笑Rowena眼淺，促成今次合作，全靠他用轟炸式煩爆Rowena，Louie說：「佢成日講退休唔想見人，但佢唔唱歌好可惜。」
今次二人揀選伊館較細場地，坦言是試水溫，他們笑說：「細細哋，玩吓先，下一步先再諗紅館。」
文：音樂組