鬼妹面試鬥唱爭入圍
無綫舉辦《超級巨聲4之星夢傳奇》吸引近四百藝員參賽，一連三日的面試由昨日開始，引來鬼妹陳明恩、張景淳、無綫收費台主持林子博及麥嘉倫等前來面試，曾出唱片的陳明恩選唱名曲《I Will Always Love You》，她亦坦言邊唱邊緊張：「上過台咁多次都仲緊張，見到大家好畀心機，參賽係想畀多啲挑戰自己。（幾時知入圍？）唔知，冇講幾時。」
評判之一的無綫高層陳家揚謂一切未有定案：「收到好多人報名，聽完先知選幾多人，（蕭正楠唔使試音？）所有人都要聽咗先。」另外，基於有傳媒闖入面試室，令無綫派出保安拒絕記者於面試室前採訪。
