Rosemary惡劣環境跑足28粒鐘

Rosemary昨早到山頂參加慈善步行活動時，山頂天氣突然變冷。她表示最凍一次是1996年新年期間於3度下跑步，最惡劣環境則在2011年參加毅行者。Rosemary說：「嗰次要跑28個鐘，期間半夜仲落大雨，我嘅鞋同襪都濕透，要中途換過晒，最後我哋一組人都順利完成。（當時有冇諗過放棄？）冇，一定唔會，有好嘅隊伍支持我好緊要。（想到極地或者沙漠參加馬拉松？）想呀，呢個一直係我嘅夢想，不過唔會咁快，因為呢啲賽事要跑足幾日至一星期，事前一定要有充足準備。」她透露與男友正為下月的北京長城馬拉松積極備戰。