祖兒靚背施誘
出席隆重場合想搶鏡之餘，露背Cocktail dress就是最佳選擇，而且露背有時更有誘惑性，令人眼前一亮。不過要注意穿露背裝一定要擁有滑溜玉背，兼背部線條要靚，絕不可以有粒粒，否則就大煞風景。而中外一眾女星名媛就紛紛以誘人靚背示範露背Cocktail dress，名模陳嘉容就大讚容祖兒型格高貴，何超雲則青春兼具淑女風範。
容祖兒
「好有型，好高貴，shoulder pad嘅設計襯埋佢個all back髮型，感覺唔會太女人，好型格嘅Cocktail dress look，好靚好襯佢個style，身形線條好修長。對耳環都好襯，乾淨俐落，條粗Belt突出佢嘅腰形。」
吳佩慈
「一啲都唔靚，條裙本身已經唔靚，裙擺下嘅紗顯得佢好矮，襯對裸色鞋錯晒。」
高海寧
「普通，好一般，唔係太突出，整體感覺唔係靚但又唔係醜，一身打扮無咩艷光，髮型老氣咗啲，條裙本身都靚，嘥晒。」
澤尻英龍華
「好靚，好高貴，佢演繹得好好，好有少女氣息，髮型化妝都好襯，對鞋亦都好match，由頭到腳都好好睇，成個look感覺好classic。」
何超雲
「靚女，佢本身夠白淨，皮膚又滑溜，加上青春無敵，呢身打扮好啱佢。對米色鞋襯得好靚，成個look充滿青春氣息同淑女風範。」
Amanda Seyfried
「條裙佢着得好靚，All back髮型襯埋佢個紅唇好突出，成身都襯得好靚，唯一敗筆就係條裙嘅長度，一係就短啲好似mini skirt咁，一係就再長啲，依家呢個長度顯得佢矮咗，身形線條唔夠修長。」
陳嘉容Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。