Mark Ryan推廣英語氹細路

鄭欣宜前男友Mark Ryan踩入教育界做兒童節目主持,教英文之餘,又大搞兒童音樂會,實行多方位推廣英語教育。他說:「自己唔係專業歌手,都準備咗九個月時間搞個騷。好在平時同小朋友上堂時日唱夜唱兒歌,所以上到台一啲都唔怯場。」

Mark Ryan現有圈外女友,工作忙到一腳踢都全力支持,他笑言想過簡單生活:「可能因為試過同圈中人拍拖,如果兩個人都係公眾人物,我哋嘅生活會變得太複雜。依家會希望生活簡單啲,自己亦都唔想女朋友接觸圈中嘅嘢。」