鄧伊玲爛桃花 謝絕肉麻男
近年轉做娛樂主播的「E Cup教主」鄧伊玲（阿旦）事業發展順利，但愛情未有着落。雖然她指蛇年後會桃花旺盛，但卻遇爛桃花，她直言一位多年沒見的朋友竟無厘頭向她發動短訊攻勢，而且內容相當肉麻，嚇到她即時與這位癡情男斷絕來往。
由o靚模轉型做主播近一年的阿旦，經常採訪娛樂新聞，她笑言明白做記者的苦與樂，雖然「轉職」後的吸金能力不及從前，但她並不介意︰「做model係搵多啲，但呢個職業唔可以一世，係時候要開拓新出路。」
做o靚模唔穩定
問到較喜當model還是主持？她未有正面回答︰「我只可以話兩樣嘢係唔一樣，新一年新階段，可能以前嘅係好玩，但亦都唔穩定。依家人大咗，當然尋求多啲安全感。」對於轉型後毋須經常晒E Cup逼爆身材，阿旦說︰「有聽過朋友講，點解唔繼續用你嘅天賦本錢？但我覺得成日都見會好厭，收起都好，所以依家唔會太性感。」
等人介紹筍盤
工作覓新出路，情場上遇爛桃花！依然單身的阿旦表示蛇年雖然多了桃花運，但卻被癡情男嚇怕，她笑說︰「最近有個超過十年冇見嘅朋友send短訊話我知同女朋友散咗，作為朋友會安慰吓。但自此佢每日係咁send好肉麻短訊畀我，嚇親咗我，之後冇再聯絡。」自言等朋友介紹筍盤的阿旦，自爆有空便約好友陳靜齊齊物色男友，她說︰「我哋會互相留意，你知啦，有時真係當局者迷，所以大家會互相幫眼睇吓O唔OK，然後暗地裏畀分。」
文︰專案組
攝︰沈健程
場地︰B&F Medicentre