官恩娜見煞車痕心噏兜路

歌手官恩娜（Ella）昨日出席品牌慈善活動，提到Sita前日凌晨因車禍不幸離世，她說：「我同佢唔算好熟，但都識佢個化妝師同髮型師，尋晚（17日）揸車經過出事嗰度見到啲煞車痕同殘骸感受特別深，我自己都試過喺嗰度行錯路。（再行呢條路有陰影？）都會小心啲，但尋晚感受真係好大，我平時返屋企都經嗰度，依家或者行住第二條路先，我份人好上心，始終都識。」Ella大讚Sita有才華和可愛，望她能一路好走。雖然Ella稱見到有煞車痕，但據警方所指事發現場並無發現明顯煞車胎痕。

另外，日前Ella胞兄官仲銘（Jamis）的名貴跑車遭天降指甲鉗擊中刮花，Jamis昨在微博直言疑是潘姓之人所為，Ella只稱不認識哥哥有姓潘的朋友。