范振鋒護妻陪美國登台

李妮昨晚以博愛醫院董事局第二副主席身份出席該局的就職晚宴，同場還有范振鋒和太太李思欣，他們均表示有留意波士頓炸彈連環爆炸恐怖襲擊事件。李妮說：「我冇屋企人喺嗰邊，但有朋友喺美國其他地方，都擔心。老公喺美國有公司，上年先同佢去過嗰邊。（以後減少去美國？）我哋平日都好少去，但有時為咗工作避免唔到。」

而李思欣坦言感到意外和害怕，她五月尾還要到紐約和費城登台，范振鋒表示到時會陪太太一齊過去，雖然發生咁大件事都唔會保護得到，唯有盡量小心，工作完會即返酒店，不會四圍去，而他們亦會買保險。