祖藍祥仔 偷食廿分鐘

無綫兩大紅人王祖藍和阮兆祥，幕前合作多多，有指兩人將與多名「獎老」參與新一輯《獎門人》節目，再度聯手向大家放笑彈，新工作未開始前，日前祖藍和祥仔分別撇低女友李亞男和Crystal私下相約食車仔麵醫肚兼密密斟。

當日下午3時左右，祥仔獨自步入位於銅鑼灣的狹小店舖，由於店內座位不多，祥仔一樣要搭枱兼坐近門口，不到5分鐘，便見穿着長靴戴帽的祖藍會合，兩人齊齊對街而坐，迅即吸引不少途人注目，並好奇地指指點點，兩人懶理他人眼光，各自點了碗車仔麵，津津有味地邊食邊傾。

醫飽肚後，祥仔見記者即笑笑口，祖藍就keep住chok！

祥仔坐下不久祖藍趕來會合，兩人邊吃麵邊喪傾。

埋單一百蚊有找

20分鐘後，祖藍自動自覺負責埋單，咁又係嘅，祖藍近期電視劇爆紅，又有得拍電影，豬籠入水請客都好應該，何況兩碗麵加汽水一百蚊有找，認真抵到爛！埋單後兩人步出，即被大批巿民包圍，祖藍chok到爆地披住件外套，大搖大擺地行，兩人發現記者齊齊友善地打招呼，然後分頭行去停車場取車離開。

阮兆祥

李亞男

文：追蹤組