周秀娜透底 不敵馬國木瓜
周秀娜以低胸透底裝亮相新片開鏡，竟然不敵來自馬來西亞的童冰玉。面對過江鳳，周秀娜不失大將之風，指「馬國木瓜同榴槤都有用啲」，引得笑聲滿堂，她更懶理腳傷，揚言繼續落力拍打戲。
周秀娜、盧頌之（Dada）、余曉彤（Ｈidy）、徐天佑，加上馬來西亞演員童冰玉及林佩琦等，前日雲集沙頭角公路，出席卓韻芝新片《爆3俏嬌娃》開鏡。周秀娜雖悉心打扮，無奈仍不敵童冰玉的5吋事業線，不過拍照時赫然發現娜姐左腿腳踭位貼上膠布，據悉是因為日前拍攝打戲受傷所致。
周秀娜不介意被搶鏡，且打趣說：「可能嗰邊啲木瓜同榴槤有用啲。（戲裏面性感番？）導演好清楚男士需要，亦知道我哋嘅優點……總之我有衫着囉。」提到腳傷，周秀娜才大方地說：「嗰日着住高跟鞋拍打戲失重心，傷咗3條韌帶，其中一條裂咗，去睇醫生佢話幫我唔到，最緊要多啲休息，不過我會繼續打，因為事前準備咗半年，唔想嘥咗佢。」
童冰玉熱爆東南亞
童冰玉與林佩琦孖住做訪問，前者自爆熱爆星、馬、泰一帶，今次首次來港拍戲。談到性感衣着，她說：「導演話明要搶嘛，戲裏面我唔性感，交番畀林佩琦鬥周秀娜。」林佩琦即表示今次性感尺度挑戰底線。
身為導演的卓韻芝今次自編自演，且笑指電影公司未有給她三份人工，且首天開工已率先拍攝其垂死戲份，認真大吉利是。她承認周秀娜將有前所未有的性感演出：「要清場拍攝，露得嘅地方都露，勁過佢推出嘅枕頭，好彩我係女導演，大家唔會以為我自己想睇囉。」
文：影視組