岑麗香撐好友 緋聞唔係真
藝員岑麗香（香香）昨日與羅仲謙到旺角出席活動，對於好姊妹苟芸慧被指拆散「富黛」七年情，香香表示不信並力撐苟姑娘：「我唔會信，我哋以前一齊住，對佢個性好有信心，佢係好女仔，近來佢雖然好多緋聞，但都唔係真嘅，我知佢心地好好。」她倆近期各有各忙無暇傾心事，對「富黛」七年情傳玩完，香香說：「我唔熟呢啲新聞，總之祝福大家，希望苟芸慧冇咁多假緋聞，亦都祝福城城同Lynn。」
羅仲謙說到傳苟姑娘介入令「富黛」分手，謙仔認為只是八卦新聞：「希望每個人都開心，有情人終成眷屬。我依家都好開心，希望將來都有美滿、完美人生。」另方面，謙仔否認指他「變面」的傳聞，歡迎大家驗證：「入行都八、九年，以前有啲baby fat，依家瘦咗好多，近期又多咗啲皺紋，其實再多幾條皺紋有男人味啲。」女友楊怡亦被指樣貌「變幻莫測」，他可會接受另一半整容？謙仔說：「做我哋呢行唔會介意，貪靚啫，心地靚就得，外表唔緊要嘅。」
