苟芸慧摑上癮蕭正楠受難

苟芸慧在劇集摑蕭正楠太入戲,昨在宣傳活動上,再向蕭正楠毫不留情狠摑一巴,「啪」的一聲巨響令全場變得鴉雀無聲。而劇中被蒙嘉慧「借精」生仔的方中信,被問到現實中會否再追多個,他指「再鋒利嘅刀鋒都有生銹一日」,沒有再生B的打算。

苟芸慧、楊怡、方中信、蕭正楠、李綺雯、李亞男和陳國邦等,昨日為劇集《仁心解碼II》宣傳,並公布劇集最高收視三十一點。前晚播出蕭正楠遭苟芸慧和陳茵媺共摑六巴的戲,昨日兩人出席活動時重演這幕,誰知苟芸慧二話不說已出盡力狠摑落蕭正楠臉上,「啪」的一聲令全場人目瞪口呆,不懂反應的蕭正楠臉露難色說:「點解咁大力嘅?唔係借位咩?」事後蕭正楠說:「現實中未試過畀女摑,阿媽就有。(嬲?)邊嬲得落吖,苟姑娘一句唔好意思都謝晒啦。我朋友仲好羨慕我劇中有兩個靚女女友添。其實拍嗰時NG咗兩次,被摑咗十一巴o架。」

否認想識富豪

問到苟芸慧為何如此用力,她解釋:「一聽到有人叫action我啲戲就到,我唔識就位,好入戲。」在旁蕭正楠笑問她如此入戲的話,拍接吻戲是否可以法式濕吻?另外,苟芸慧否認要汪圓圓介紹富豪男友的報道,她說:「嗰晚係圓圓婚前單身派對。我嚟香港就識佢,係好朋友。(介紹男友給你?)工作先,女仔靠自己最好。唔係事實報道唔着緊,自己行得正企得正。」

方中信「刀」生銹

劇中被蒙嘉慧「借精」的方中信,昨日獲大會送上雞精「以精補精」,方中信配合下將雞精一飲而盡。問到是否想追多個,他說:「鄭太(蒙嘉慧)要生靠鄭生。(講你呀?)再鋒利嘅刀鋒都有生銹一日。仲生嚟做乜,分薄晒啲福利,囡囡好醒目只係想要玩具。」現場楊怡穿起黑色長袍扮殺人魔追殺羅鈞滿。

文:影視組