黃榕唔見銀包摷垃圾搵ID
性感女星黃榕上周五（12日）工作後，偕經理人直落到蘭桂坊夜蒲消遣，原本好有holiday mood的她，卻樂極生悲遺失銀包。她昨日在社交網上大呷懷疑遭人偷去：「嗰晚我同經理人去玩，有個陌生男仔突然走埋嚟攬住我經理人錫，我貪玩即刻喺手袋攞部相機影相，可能係嗰時打開咗個手袋，畀人偷咗銀包都唔知，不過我唔肯定。」
黃榕指銀包內有1,800元現金，不過她說失錢事少，遺失身份證和回鄉卡則才緊要，因為她昨日要到返廣州出騷，若不能如期做騷分分鐘損失六位數人民幣酬金，因此當晚與經理人不停摷夜店附近的垃圾桶，希望僥倖能尋回被拋棄的証件，可惜都徒勞無功。
由於黃榕之後要到內地5次工作，因此她昨日趕緊到入境處辦理一日證。問她可擔人內地H7N9禽流感疫情擴散？她說：「驚呀，我會帶定防疫三寶去，包括口罩、濕紙巾和消毒藥水。」