江若琳孭2千萬行頭爭影后

江若琳憑電影《高舉‧愛》首次參與「第32屆香港電影金像獎頒獎典禮」，獲提名「最佳女主角」演技得到認同。為了隆重其事她將以盛裝赴會，獲得英皇珠寶贊助當晚鑽飾的她，日前親自到旗艦店挑選鑽飾。面對二千多萬港元的鑽石和寶石，她顯得相當緊張，試戴時更出現手震和冒汗的情況，她直言說：「未戴過咁貴重嘅鑽飾，真係好靚。好似戴咗層樓喺身咁，所以好緊張。」

唔捨得除

試戴期間她表現得相當投入，並不時口中唸唸有詞嚷着「好靚、好靚」，她笑說：「真係唔捨得除番出嚟。我終於明白點解話女性見到鑽石會瘋狂，今日終於感覺到嘞。」江若琳坦言千萬元對她來說是一個天文數字，指鑽石是一件很奇妙的東西，戴上身上會有一種不想離開自己的感覺。

江若琳面對價值連城的珠寶，緊張到出汗。

江若琳已揀定戰衣，配襯鑽飾。

為了當晚以最佳狀態示人，江若琳已挑選了一件戰衣來配襯閃耀鑽飾，她說：「因為第一次提名，希望可以以最閃和最亮麗嘅一面示人。首飾係貴精不貴多，輕巧都好可以靚、可以好脫俗。不過我比較粗心大意，當晚真係要打醒十二分精神。」

頒獎禮舉行在即，她近日專注工作令她可暫時忘記頒獎禮的壓力，但晚上則經常發夢，她說：「試過夢到件衫改短咗，又夢到件衫啲色錯咗，好多古怪情況都有出現。」

文：影視組

場地：尖沙咀1881英皇珠寶

髮型：James Lee@HAiR

化妝：諺瞳小白