BabyLynn胸降 祖兒有後着
容祖兒（Joey）昨晚以露背裝赴會，與蔡卓妍（Sa）、Angelababy、熊黛林（Lynn）、范曉萱等競艷，Joey說：「之前同媽咪跑步冷親，依家全家病晒，去做嘢我戴唔到口罩，但有預備定畀工作人員。（少咗見男友？）普通朋友都少見。（冇見男友兩個鐘都話耐？）梗係唔只兩個鐘！呢期每周要返內地做嘢呀！」
清減了的阿Sa說：「我參加跳水節目，體重跌至一百磅以下，乜衫都要改。（跳水酬勞可觀？）係有酬勞，但我捐咗做善事。（去橫店探男友班？）唔話你知，佢叫我唔好食家禽，只可打邊爐，要烚熟晒！」
Baby以Alexander McQueen長裙，勁晒三吋事業線，露出黑bra，她說：「條裙剛到，街未有得賣。（問准男友至咁着？）我都有審美眼光，性感睇場合。」白裙衛詩雅、黑裙孫佳君則分別露bra邊及T-back，熊黛林則晒四吋事業線，有料之人黃婉曼則拋胸、露腿搶鏡，性感溫碧霞被問有否打底即扁嘴。
