Rosemary孖「老公」預支蜜月

名模Rosemary早前與中印籍富商男友Jason及三名友人同遊北海道五天,期間玩snowboard、食魚生、浸溫泉,好不快樂,Rosemary冧爆表示:「因為佢屋企人喺新年期間嚟咗香港一個月,我哋要陪佢屋企人,所以冇慶祝情人節。呢個trip係佢補送畀咗我嘅情人節禮物,全部行程都由佢安排。」問到二人有否浸個鴛鴦浴?她笑言:「唔可以一齊浸,男女一人一邊,不過都好relax。」

雖然行程浪漫,但Rosemary稱Jason未有乘機求婚,她甜笑說:「唔會啦,今次純粹補祝情人節。(你哋對結婚有冇共識?)我有同自己嘅女仔朋友傾過,不過冇同佢傾,唔想畀壓力佢。佢好sweet,又好鍾意小朋友,都係我potential嘅老公。」