神秘訊息 今晚揭盅

哥哥好友兼生前經理人陳淑芬，連日來為一連串的紀念活動疲於奔命，昨日在時代廣場舉行的「繼續寵愛‧十年紀念展」終順利揭幕，又見哥迷熱情未減，令陳太感動得眼紅紅。對於有報道指今晚舉行的紀念演唱會上，會播出一段哥哥生前好友蘇施黃的錄音，內容是哥哥留給歌迷的重要訊息，陳太否認此錄音就是她口中一直提的「神秘訊息」：「係個美麗誤會，我之前搵咗好多哥哥生前好友去錄一段訪問，希望畀『後榮迷』知道哥哥係點樣嘅人。本來阿蘇應承咗錄，但後尾縮沙，因為佢話有咩說話想留番自己同哥哥講。之後佢識咗個通靈專家Selina，話Selina喺哥哥離世幾年後夢到哥哥報夢，所以阿蘇就將呢段說話錄咗出嚟。」