陳國峰唔貪心望九展開騷
無綫巨聲幫成員陳國峰是圈中少見的運動型藝人，媽媽是泰國人的他說：「成家人都叫我阿Dee，係泰文，我阿媽話係養唔大嘅意思。」31歲的國峰入行三年，在16歲時已踏了半隻腳入行，他說：「當時我參加唱歌比賽畀人睇中，之後輟學去日本受訓，但最後搞唔成。」
國峰謂入行前做過多份工作：「第一份工做廢紙回收，即係搬搬抬抬，亦做過珍珠奶茶舖侍應、酒吧調酒師、救生員同健身教練。」不過，自細喜歡音樂的國峰沒放棄夢想，參加了無綫歌唱比賽，之後入行。入行不久就有機會在紅館表演的國峰被問到會否以在紅館開騷為目標？他謙稱：「一步步啦，畀個九展我都開心，我想學作曲，都有學過色士風。」