有報道指蕭正楠與緋聞女友何傲芝同居，更任由女方勞役去深井買甜品，何傲芝昨日於電話訪問時作出否認：「我都冇食過深井甜品。（怪佢人氣旺拖累？）唔會，作為好朋友我恭喜佢添啦！都戥佢開心。（你爸爸嫌蕭正楠窮？）其實爹哋當日都有話畀我聽佢冇回應記者問題，而且佢一向唔會干涉我哋兩姊妹嘅工作同朋友，好錫我哋，所以寫到佢咁，我都有啲唔開心，但佢反而氹番我。」
