糖妹（黃山怡）、王祖藍和薛家燕昨日一同出席活動，日前為「亞洲流行音樂節」做司儀的糖妹罕有地谷胸上陣，昨日回復密實的她笑言：「喺後台我好驚呀，係咁用褸遮住，硬係覺得人哋啲目光會望過嚟。」
同場的王祖藍就話最近經常湊姪女，自己則未有造人大計：「婚都未結唔諗呢啲住，唔係到時好大劑！（想保住女友李亞男『四大處女』之名？）係保住佢唔好咁快做媽媽！」
