《義勇群英之毒蛇反擊戰》李炳憲擔正實力取勝

故事講奸角反擊義勇群英，正義聯盟一關過一關打大佬，不過整體與上集截然不同，《義》迷要有心理準備。今集少講團隊合作，反而着墨角色情感，加強感染力，至於未睇上集的觀眾，唔使失望，實會睇得明。

電影請來拍《舞出真我2》（Step Up 2）起家的年輕導演朱浩偉執導，節奏流暢未見悶場，3D效果不過不失，幾個對打及驚險場面明顯製作用心，特別是雪山的一幕，令人有屏息的效果。

上集主角Channing Tatum和新加盟的布斯韋利士（Bruce Willis）淪為大配角，後者演義勇群英領軍人物更只見《虎膽龍威》（Die Hard）系列影子。反而由李炳憲與狄維莊遜（Dwayne Johnson）擔正，前者表現亮眼，證明靠實力進軍荷里活。雖然加入新角色有新鮮感，但上集部分仍在生的角色「失蹤」又零交代，實為顧此失彼。