白健恩昨日原定出席Ted Baker活動，但活動因落雨而取消，但小白急於澄清日前被指有不道德交易的報道，故改地點親述事件。他指當日約了朋友見面，但對方沒出現，更聯絡不到。他說：「件事好嚴重，從來冇做過亦唔會咁做，咁講我好影響形象或工作，所以要第一時間出嚟講。（工作有影響？）好彩冇，啲客、朋友都好信我。」小白又指三年前於酒吧認識該朋友，當時對方曾輕佻問他有否興趣接客，他已一口拒絕，並稱對此事保留法律追究權利。
