杜汶澤開戲 強撐女演員

英皇電影與衞視電影台合作,展開名為「支持本土製作」計劃,合作投資8位數,邀杜汶澤三年監製五部電影,昨日兩間公司高層包括英皇電影行政總裁、福斯國際電視網亞太區總裁Ward L.Platt與杜汶澤舉行簽約儀式。阿澤透露開始籌拍三部電影,覺得受內地市場規限,女演員少發揮機會,會起用吳君如、蔡卓妍及薛凱琪分別拍三部電影。

另外,昨晚亞洲電影大獎之夜,角逐最佳男配角的阿澤與薛凱琪行紅地氈,出席兩個場合都穿同一套西裝的他笑謂:「我紅白二事,連電影金像獎都係着呢套參加。」訪問期間,阿澤不忘(目及)路過的Jessica C.,更口花花說:「佢係唔係警鐘胸?佢係咪宣傳郭子健部戲《特種救援英雄》?搵佢救火啱晒!」阿澤離開後,黃秋生穿着唐裝到場,他否認為宣傳自己新片。提到他與阿澤之前舌戰,是否刻意前後腳到場?秋生謂:「乜講到我兩個好似有路咁!」