李蘊舞台親熱 男友監場
歌手李蘊（Renee）昨日出席舞台劇發布會，獻唱舞台劇主題曲，並即場和劇中男主角鄭嘉俊表演一小段戲。原本以短裙look晒美腿的Renee為免走光，在對戲時特登穿上黑色leggings，相當錫身。
處女下海演舞台劇的Renee表示有一定壓力：「之前係喺電視演出，今次第一次現場演舞台劇，都有啲緊張同壓力，好在劇組好愛護我。」她表示和男主角在戲中做一對親密好友，問到可有親熱劇情？她說：「有啲若即若離嘅動作，（同男友備案？）同佢講咗，同埋有叫佢嚟睇，話晒第一次做舞台劇，點都要嚟支持吓。」