馬德鐘操腹肌6月晒身材

藝人馬德鐘前晚與太太出席「王子飯店喬遷開業晚宴」，他說父親的大壽亦在此擺酒，與該店算甚有淵源！6月他將開拍無綫劇集《飛虎》續集，宣萱的角色將由鍾嘉欣取代，二人首度合作，馬德鐘大讚嘉欣好演技，又透露他倆會有感情線，並為拍攝時天氣已熱而感頭痛：「到時要笠頭套又着得多衫，次次夏天拍戲都係考驗，咁熱可能會展示身材着小背心，我都有練開胸肌，都有少少，但腹肌就冇，好羨慕人哋有六舊腹肌，要請教下人先。」
馬德鐘與太太恩愛出席活動。
馬德鐘與太太恩愛出席活動。

同場的陳敏之踩5吋高踭鞋騷長腿，對於好友馬國明與唐詩詠鬧緋聞而外快多多，笑言對方搞緋聞賺錢多過她，要他請食飯！在旁的朱慧敏即搭訕，笑言要與敏之鬧不和兼搞斷背，惜敏之唔賞面寸道：「講都冇人信啦，想我男友打死我咩！我唔使靠呢啲賺錢，叫經理人接多啲job囉。」

朱慧敏（左）提議搞「斷背」，陳敏之不領情。
  • 朱慧敏（左）提議搞「斷背」，陳敏之不領情。