鄭中基前晚出席主演電影首映禮，有女萬事足的他，被問平日如何逗女兒開心時，他即冧爆謂：「我會唱兒歌畀佢聽。」他又透露囡囡已面試幼稚園，該幼稚園正是他母校。他笑言：「我即刻摷番自己張學生證出嚟，好彩摷到咋！有張證會加分。」他更自爆出絕招要求幼稚園收囡囡：「我話我哋報咗一間咋！唔收就冇書讀，好慘！求吓你啦！」
