鄭敬基嘆雯女壓力大
久未露面的鄭敬基前晚出席新片煞科宴，提到舊愛鄧萃雯患情緒病，鄭敬基說日前已跟雯女聯絡，不覺她有焦慮症，並謂：「會為佢祈禱。佢一向好緊張，依家會更緊張，因為要熟讀劇本，又係視后，返內地工作代表香港，所以壓力大。有次佢同黎耀祥喺加拿大做訪問，祥仔叫佢咪緊張，佢聽完都放鬆咗。（患病因為欠個伴？）好多原因，呢個都可能係，但見佢做好多慈善、好正面，唔似係。」
鄭敬基指身邊患焦慮症的好友要長期服藥，問雯女有否服藥？他說：「佢冇講要食藥，如果需要，相信佢唔會唔食。（約出嚟帶歡樂畀佢？）可以醫到我一定做，等佢約啦，佢好忙。」