不少藝人亦有投資失利之時，雖然欠下債務，但最重要有借有還，即可重新開始。
在1999年廖偉雄（阿燦）因投資失利欠下巨債離港，他未有問朋友借錢還債，選擇努力搵錢，既出自傳又搞多項生意，曾表示「長命債、長命還」。
2002年7月鍾鎮濤（B哥）投資地產失利，欠下天文數字宣布破產。此後他努力出騷搵錢還債，溫拿好友出力支持，溫拿不時開騷幫手搵錢，B哥在2006年破產期滿後重獲新生。
前組合E-Kids成員阮民安（Tommy）2006年澳門賭錢欠債。去年韓國組合Big Bang開演唱會，他代購門票卻「冇貨交」，Tommy即時表示願意退款才解決事件。
