洪卓立冇得錫 牛一食檸檬
英皇歌手羅力威（Adason）與洪卓立（Ken）昨日出席月底舉行的演唱會記者會，大會送上蛋糕慶祝今日26歲生日的Ken，怕醜仔Adason請對方食檸檬拒吻賀壽星仔，搞到Ken尷尬傻笑，Adason最後借「擁抱」打圓場。
羅力威（Adason）與洪卓立（Ken）將於本月31日在伊利沙伯體育館舉行「雙子情繫大提琴」演唱會，昨日兩人與四名樂手出席記者會，吸引過百歌迷捧場，適逢今日是Ken26歲生日，大會送上巨型蛋糕慶祝，記者叫Adason吻賀Ken時，Adason竟請對方食檸檬，其後主動肉緊攬實對方，並解釋說：「男人唔會錫，加上佢咁多歌迷喺度，怕歌迷呷醋。」
至怕湯怡播菌
問到Ken緋聞女友湯怡有否約他燭光晚餐？他說：「會同一班同事一齊食飯。（有湯怡份？）有，不過我今晚要開工。」隨即心痛她拍劇拍到病，他說：「希望佢身體健康，唔好傳染我。」記者笑他自爆同床瞓？Ken尷尬說：「唔係，怕食飯傳染。」
羨慕師兄戀情
對於師兄林峯與女友吳千語一個月去三次旅行，兩人坦言羨慕，Ken說：「我一個去都開心。（有埋女友會Sweet啲？）係，從來冇同湯怡去旅行。」Adason表示入行後未曾外遊，他說：「依家畀假我未必去到，要努力搵錢。」到演唱會會否邀請另一半睇騷？與雨僑感情穩定的Adason說：「未知公司有幾多飛畀我。」
文：音樂組