岑麗香寫意遊埠 豪擦「兩拳鮑」
宅男女神岑麗香及「浸大咪神」楊焉（Carol，前名楊梓瑤），早前隨陳百祥（叻哥）到澳洲拍攝旅遊特輯《叻哥遊世界》，全程豪飲豪食，非常寫意！香香表示與叻哥遊歷感覺幸福，除累積主持經驗外，更大擦超巨型鮑魚、皇帝蟹及龍蝦：「幾乎日日食海鮮，鮑魚有兩個拳頭咁大、龍蝦一呎半長、皇帝蟹個殼仲大過我個頭！次次都捧住個肚走！我都驚肥，所以每晚狂做Gym，結果反而輕咗一磅，好開心！」
他們又到悉尼最高的大廈拍攝，頂層地下全是玻璃，遊客可俯瞰整個城市，但畏高的Carol嚇得o依嘩鬼叫，令拍攝隊伍笑不攏嘴，香香說：「其實我都驚o架！盡量唔望下面同唔郁，又要保持冷靜安慰番佢。」
