張致恒全馬雪恥開心到喊

英皇旗下藝人張致恒（Steven）、關智斌（Kenny）、吳浩康（Deep）、鍾舒漫、湯怡和經理人Kitty媽等，昨晨齊參加馬拉松比賽。相隔5年再挑戰全馬的Steven終一雪前恥，以5小時50分完成賽事，他說：「上次跑得太慢，要坐大會巴士返終點，全車人望住我，好似覺得藝人係超人咁，我好尷尬，唔開心咗幾年。」今次他跑到半途腳部劇痛，有20公里要步行，邊跑邊祈禱，他笑言能完成賽事是神迹：「好多人打氣，但叫錯我做Kenny。」跑過當年要上巴士的西隧口時，他已開心到落淚，最後更與在終點熱烈歡迎他的一眾英皇歌手抱頭痛哭。