葉慧婷冇身材唔敢選美
歌手葉慧婷（YT）早前出席中華文化小姐晚宴，她表示正為大會錄製主題曲，屆時更會擔任表演嘉賓。問有否曾想過選美？YT笑謂：「細個嗰時會戴住后冠，將自己攬開條毛巾披上身，再拎住個神仙棒繞場一周，當自己贏咗。不過大個咗知道自己真係冇資格，因為唔夠人哋高同靚，又冇身材，做到表演嘉賓已經好開心。」
YT透露本月底將出演舞台劇《流芳濟世》，正與張衞健、劉松仁和許紹雄等進行最後排練。她說：「對住幾位大前輩都好有壓力，因為佢哋公認係好戲、好笑之人，所以每次綵排我都忍唔住笑，希望到時一定要忍得住。」