高鈞賢爆甩拖 翠翠約打波
藝人高鈞賢、朱千雪、糖妹、沈震軒、周志文等昨日出席《第八十五屆奧斯卡金像獎頒獎典禮》記招，高鈞賢宣布已和圈外女友分手，他說：「喺新年前分手，本來都好地地，之前仲計劃一齊去美國旅行，可能佢年紀太細，唔慣呢個圈子，因為我都有好多女性朋友，佢會呷醋，我初時以為搵個年紀細啲就會聽話同教得到，入行咁多年都係第一次公開拍拖，下次我會低調啲。」
另外，對於前緋聞女友葉翠翠日前被拍得有闊少以跑車接載，高鈞賢說：「翠翠有同我講過有呢個男仔存在，不過佢哋仲係朋友關係，佢話呢個男仔打波好叻，可以約埋我一齊打波。（做唔成情侶，做朋友？）都係，我哋有感情煩惱都會同大家講，係雙方嘅愛情顧問。」
