郭晉安焗與老婆同房
郭晉安、田蕊妮和黃翠如等昨日為無綫監製李艷芳的新劇試造型，首次拍無綫劇要剃頭的安仔稱：「不過都唔夠鄧英敏厲害，佢都係第一次剃頭。」早前有傳安仔與老婆歐倩怡因囝囝升學問題吵大鑊，導致分房瞓一個月，剛從新加坡旅行回港的他笑言：「焗住要瞓同一間呀，因為啲酒店房好貴。（問題解決晒？）解決晒啦！（最後邊個贏？）梗係老婆，我要尊重佢。」
黃翠如的新劇髮型甚似「福娃」，她尷尬說：「我自己都睇唔慣，可能我今次演笨笨哋嘅角色，要切合造型。」她又展示手機內的兒時「冬茹頭」照片：「其實依家呢個髮型同我細個嗰時媽媽幫我剪嘅頭一模一樣。」
