陳靜歎炸子雞 寓大紅大紫
屬蛇的性感女神陳靜（DaDa）去年於影壇有不錯成績，農曆新年更返上海過肥年。將角逐金像獎女配角的DaDa，又特地去食「炸子雞」，希望蛇年繼續「大紅大紫」！
「蛇女」陳靜去年闖影壇，憑電影中「爆炸糖」一角成功彈起，為於蛇年持續強勢，DaDa特地走去食「炸子雞」，還落手落腳跟師傅一起炮製，寓意蛇年事業大紅大紫，遠離病魔繼續吸金。
派利是愈多愈好
DaDa直言去年在事業上大豐收，所以新年會抽空返上海跟家人過年，並準備好大疊利是派給朋友及同事，而出名孝順的她更會封大利是和買棉襖送給婆婆，她說︰「預了5位數字派利是，其實希望可以派得愈多愈好，派到6位數都唔介意，就算唔喺香港，回來都會補派畀朋友。」
早前DaDa再憑「爆炸糖」獲提名角逐今屆金像獎女配角獎項，事業得意，難怪她直言非常滿足，又透露過年後的工作已排到暑假。
有人追要先了解
事業略有所成，單身的她情場上同樣有人追，DaDa笑說︰「呢排都有識新朋友，同異性約會，係有人追，不過我要搵個長久關係嘅，所以都係了解清楚先，而且我唔係非拍拖不可。」所以DaDa就算情人節冇型男相伴，仍不覺得孤寂，她已相約一班好姊妹開單身派對，她說︰「個派對有男有女，都係大家一齊食餐飯，不過就算自己嗰日識唔到對象，但見到姊妹識到嘅話都會好開心。」
文︰專案組