婷婷嫁安志杰有實無名
【陳嘉敏紐約直擊】謝婷婷撇甩男友安志杰（Andy）獨自到紐約度假，更順道去睇騷，未能一齊度春歲及情人節，婷婷揚言兩人日日都是情人節，感情如同已經結婚，現只欠名分，是有實無名的「安太」。
紐約時裝周正進行得如火如荼，藝人謝婷婷、台灣女星陳妍希分別到當地睇騷。當地時間２月11日舉行3.1 Phillip Lim秋冬時裝騷，婷婷亦是坐上客，還被安排坐在第一行，她透露來紐約純粹度假，３月初才回港，男友安志杰沒有陪同，兩人只以網絡電話聯繫。至於情人節如何度過？她說：「都係網絡電話。我哋日日都係情人節。」繼又表示Andy不會飛紐約給她驚喜：「尋日同佢傾電話，佢仲係好舒服咁喺屋企，感覺唔會嚟。」
想感受做人妻滋味
雖然婷婷謂不會做蛇年新娘，但Andy卻表示想今年結婚，她說：「唔知點解佢咁講，訂婚先囉，我唔急，兩年後先結婚。其實依家都好似結咗婚咁。我都幾想感受吓做人太太，攞咗名分嘅感覺，做吓太太嘅責任，不過依家已經做緊。Andy好大細路，哥哥同老竇都好大細路。」
陳妍希讀書冇人吼
同日另一場Donna Karan時裝騷，吸引台灣女星陳妍希、荷里活女星奧瑪花曼（Uma Thurman）及Bernadette Peters等捧場。去年曾到巴黎看騷的陳妍希表示今次是首度欣賞紐約時裝周，她稱會留在紐約拍攝個人音樂專輯，而農曆新年也在紐約度過，已提早跟家人吃團年飯。至於情人節節目？她表示會在工作中度過，所以應不會有任何艷遇。曾在紐約讀過一年藝術學院的她，大讚當地男生有才華，問到可有跟紐約男談過戀愛？她笑說：「我的同學有90％是女生，其餘10％的男生都不喜歡女生，所以那一年我是單身的。」