岑潔儀三大日子一次過慶祝
已簽約香港電視的岑潔儀（Zoey），去年與馬來西亞華籍商人Dixon拉埋天窗，今年準備了6位數現金派利是，她說：「今年預咗6位數派利是，屋企人會大封啲！今年第一年派利是，感覺好得意，好似真係長大咗。」
Zoey於2月19日牛一，故今年新年、情人節與生日會與老公在新西蘭慶祝。她說：「其實2月對我嚟講一直有特殊意義，因為以前情人節同生日都會一次過慶祝，今年仲有埋新年添。（老公有咩表示？）佢話會畀驚喜我，好似話會浸溫泉。」問到新年期間去旅行怕不怕被人指避年？她笑言早有準備：「所以我特登一早封好晒利是，一見朋友就派，之前幾乎日日都約咗朋友食飯派定利是。」
髮型：Wong Romg@HH Hair
場地：AL MOLO