Dominic買禮搵人幫送花下廚冧糖妹
與「宅男女神」糖妹（黃山怡）拍拖的Dominic（何浩文），臨近情人節再向女友施冧功。日前他偕好友Hidy（余曉彤）現身名牌首飾店，見他一臉茫然在店內兜圈，左睇右睇都唔啱心水，幸好有Hidy在旁「指點迷津」，二人移師花店，見Hidy不時手指指教路，細心聆聽的Dominic對粉紅色玫瑰情有獨鍾，揸上手睇一輪便扑錘落訂，非常爽快。
兩人之後到超市買牛扒和揀紅酒，親自下廚炮製情人節大餐箍實糖妹。期間Hidy全程問東問西向Dominic討教烹飪心得，似對煮飯仔一竅不通，Dominic解答時則一副專家口脗，看來甚有研究，糖妹認真有口福。
