徐子淇天倫樂與海豚暢泳

在外國留學的千億新抱徐子淇，雖然不諳中文，但仍揮筆提字，寫上「蛇年大吉」，祝各位讀者新年快樂！子淇表示從小家裏都有過年習俗，她說：「細個年三十晚要十二點前瞓覺，因為聽講愈早瞓父母就會愈長命，不過依家就唔會要求仔女咁做！」除了「早睡增壽」外，子淇謂年廿八一家人要洗邋遢，年初一又不准掃地，雖然「規矩」多多，但她會一一照做，她笑說：「聖誕節我哋都會跟外國傳統，咁中國新年就更加要，好似小朋友都識過年有利是，又識得去全盒攞糖食，不過為咗唔想佢哋食咁多糖，我會將全盒轉咗蓮藕、瓜子嗰啲，佢哋覺得唔吸引就會少食，哈哈！」今年過年子淇更會舉家到外地旅行，並會與海豚游泳，她興奮地說：「以前拍拖同老公兩個人都試過，但同埋仔女屋企人就第一次，老爺（李兆基）都會去，唔知佢會唔會游。」