連詩雅昨穿上連身短裙出席賀年活動，剛考車牌的她自爆要求符保平安：「好危險，練車好驚刮花人哋架車。（蛇年恨桃花？）相士話屬龍今年旺桃花，我想多啲好際遇，其他嘢唔諗住。」提到緋聞男友周柏豪日前買台灣手信冧情敵鍾浠文？她說：「柏豪返嚟有同我哋食飯，人人都有份。（佢哋拍緊拖？）以我所知就冇。」
同場的陳僖儀笑言想作歌逗老闆黃柏高的大利是，談及同公司的薛凱琪被《好報》踢爆夜蒲，陳僖儀說：「媽咪入咗醫院，未得閒留意，公司都冇下令唔畀夜蒲。不過都係夜晚出街飲杯嘢，薛凱琪鬼妹仔性格，唔通叫佢飲茶咩？」