諸葛填詞冧老公 拍MV銷『雲』

昨日Neway唱片公司老闆薛嘉麟、諸葛紫岐（Marie）夫婦，與公司旗下歌手HotCha的Winkie、Crystal食團年飯，去年下嫁薛嘉麟的Marie，今年將首次派利是，她表示是首年要派雙封，已預定六位數字。問Marie新年願望是否生蛇B，她說：「都係其中一個，我會盡力。另一個係今年年中會出碟，依家已籌備中，錄緊歌。（會以乜形象？）開心、幸福少奶奶，都係唱慢歌，兒歌都唔錯，可能都會加入。」而會否自己作詞冧老公？她甜笑說：「都會，表達少少愛意畀佢。」

想青雲拖手錫面珠

至於若揀MV男主角，最想與誰合作？她說：「劉青雲，我一直都好鍾意佢，希望到時可以邀請佢演出。（佢可能好貴？）咁依家要搵機會同佢打好關係。（老公會否唔畀？）唔會，佢知我底線都好有限。（會唔會想有kiss鏡頭？）睇吓錫邊度，如果錫面都好，其實拖吓手仔我都好開心。」

劉青雲	諸葛有意作詞向老公薛嘉麟傳情。（資料圖片）

HotCha望進軍大陸

Marie去年為HotCha擔任形象指導，她表示希望今年可繼續，大讚HotCha成熟了不少，今年將以淑女形象出現，還會教她們儀態。而HotCha大讚Marie好相處，亦樂於與她合作試不同形象。Winkie表示去年HotCha由三人變成兩人，對她們來說是一大挑戰，今年希望有更多機會到大陸演出，而Crystal則表示希望可以在馬來西亞開迷你演唱會，早前到馬來西亞演出，反應熱鬧，令她們信心大增。另兩人又表示希望出國語碟，進軍大陸巿場。而另一組員Regen已讀完書回港，被問到會否再三人合體？她們謂有與公司傾談過，但未有定案。

諸葛為HotCha擔任形象指導，讚兩女成熟了不少。

Crystal（左）與Winkie瞄準大陸市場。

文：名人組