梁嘉琪 緣未到 唔急得

無綫藝員梁嘉琪、楊潮凱及潘曉彤約埋食團年飯,但三人一反傳統改食齋盆菜,面對各款美味齋菜,他們即面露「狼相」搶食貴菜,場面搞笑!而嘉琪說到蛇年願望,單身的她表示姻緣急唔嚟。

梁嘉琪、楊潮凱及潘曉彤非常老友,早前相約提早食團年飯,搞新意思歎齋盆菜,貪其夠健康唔肥膩。期間嘉琪參與下廚,三人又細心地將多款美味配料鋪成盆菜,獲師傅大讚值80分!

歎貴價齋菜

嘉琪表示平日食盆菜以肉為主,今次試齋盆菜可謂「一新口味」,18款餸菜包括松茸、榆耳、淮山、花菇及芋蓉丸等,不乏貴價材料,三人更露出「狼相」搶食,個個食到Lam Lam脷!曾在外地生活的曉彤對飲食亦相當挑剔,認為很多中菜都較多油,因此間中也會食齋。

每逢農曆新年,他們各自與家人下廚為樂,嘉琪會與婆婆炮製蘿蔔糕及做油角,但笑說:「有時油角唔夠餡,有時又多到爆,其實我係未成功過。」潮凱會與父親整特大腐皮卷,曉彤則與家人自創煎春卷皮包年糕,令嘉琪及潮凱非常好奇!

曉彤學減壓

問到蛇年願望,嘉琪表示早前拍劇因大病消瘦不少,希望增肥及保持健康,單身一段時間的她提到姻緣即說「急唔嚟」。至於曉彤搞笑地表示想閃婚:「以前諗住30歲前生到兩個,但機會好渺茫喇!另外我仲未識舒緩壓力,希望新一年唔會再失眠。」潮凱則希望拍劇有突破,並想踩入樂壇獻sing!

文、攝:立影