超盈變朗禎 四太：佢仲唔好運？

日前有報道指賭王何鴻燊與四太梁安琪長女何超盈為了轉運而改名「何朗禎」，打破賭王女兒名字均是跟族譜以「超」字排的規則。有傳超盈覺得自己愛情運不是太好，且將要經營法國餐廳生意，希望生意順利，故她找師傅為她改名轉運，而事前亦已得到父親批准。

多個花名

超盈昨日下午三時在微博宣告已改名「何朗禎」：「之前聽朋友講話改名會轉運，現在改了，大家好！ID不會改了但朋友稱呼我是何朗禎，如果大家喜歡可以叫我朗朗，可以給我帶來好運的！謝謝你們！」更謂改名後好像真的開心多了，胃口也好了。而隔了約兩個半小時後，超盈再在微博解釋改名一事：「請大家不要誤會，爸爸媽媽給我的名字不會變，何超盈為名，字（朗禎）像多個花名，超盈是永遠的，但師傅說人們稱呼朗禎會為我帶來好運。」

賭王知情

超盈昨日接受電話訪問時表示：「我唔係真係改名，係字嚟嘅啫。我係睇過師傅話今年對我唔係太好，改咗名好啲。我個『超』字係跟族譜排嘅，唔會改，跟我一世。改『朗禎』呢個名係當花名，朋友叫我就叫呢個名，不過啲朋友都係叫我英文名多。（你覺得個名點？）呢個名幾開朗吖。（爹哋知唔知？）知。」記者再致電四太問她有關超盈改名的事，她一頭霧水地說：「唔知喎，咩事？（超盈為轉運改o架？）佢仲唔好運？（知唔知佢係咪搵相士改？）唔可以改名o架喎！係咪字乜乜咋？我唔知。」

文：名人組