湛琪清唔食鹹嘢去水腫

汪圓圓表妹湛琪清（Jessica）昨日出席美容活動，在活動中大談如何去水腫，她說：「朝早飲黑咖啡，夜晚唔好飲咁多水，唔好食鹹嘢，以及用熱毛巾敷面都可以去水腫。」她自言很易水腫，所以身形易肥易瘦。Jessica為了娛樂圈發展，她正努力做運動keep fit及學廣東話，她笑言：「我成日逼朋友同我用廣東話傾偈，所以都進步咗唔少。」談到新年，Jessica表示未有任何計劃，應該會留港度過，趁機好好休息。