莫文蔚神速配音撩奇洛開餐
荷里活影星奇洛李維斯，繼續留港為新作《太極俠》配音。昨早9時45分，一身causual wear打扮的奇洛，仍然未剃掉鬍子現身觀塘，背後有數名工作人員緊隨。當發現記者在場等候及拍照時，他似乎不欲上鏡，但主動向記者講早晨，面對提問亦有禮回道：「我會逗留約一星期。（配音工作進行成點？）一切順利。」然後急步進入工廈。
合照有求必應
約半小時後，莫文蔚（Karen）一身紅色打扮現身。素顏的她逗留個多小時，約中午時分步離現場。她表示：「我真係神速完成工作。（仲有冇後期要跟？）應該完晒嘞，之後咪等參與宣傳囉。（會約奇洛食飯？）咁要睇佢有冇時間嘞。」其實當Karen離開前，朱咪咪亦告現身，不過相信她是為另一電影配音，由於未有化妝關係，咪咪姐面對相機鏡頭左閃右避。而約於傍晚6時，奇洛終於完成一天工作，步出工廈登上七人車離開，全程封嘴。
今次奇洛襲港相當「好客」，上至女設計師夏嘉玲，下至公關公司公關亦首肯合照，一眾名人粉絲獲得千載難逢機會與萬人迷作近距離接觸，自然不忘將照片放上微博晒命。
文：影視組