胡杏兒披嫁衣 自爆有人追

杏兒、邱澤昨日在深圳一所酒店為內地劇《紅酒俏佳人》拍攝結婚戲，杏兒不懼寒冬身穿白色婚紗，露肩上陣。劇集以紅酒為主題，杏兒指經常有機會飲紅酒，還曾在拍攝傷心戲時飲醉。

問到杏兒可有因拍攝結婚戲而有結婚衝動？她笑言要先找到適合對象。當記者再追問有否追求者，杏兒甜絲絲謂：「算有嘅！（情人節一齊過？）咁快？仲係朋友階段！（約佢一齊過？）冇喎！女仔要矜持啲！同埋套劇，16號先煞科！」而舊愛黃宗澤母親於上周生日，與黃宗澤分手良久的杏兒表示仍有傳短訊祝福伯母，非常難得！

邱澤異鄉過新年

近年無綫藝人紛紛到內地搵人仔，有傳林峯拍一集內地劇片酬高達50萬人民幣（約60萬港幣），問到杏兒這次片酬幾多，她雖不肯透露銀碼，但笑言：「唔會好高，太高冇人搵，公司覺得呢個價就呢個價。（今次片酬夠買樓？）買到！」可見數目相當可觀！

杏兒昨日翹住「老公」拍攝出嫁戲份。	杏兒與花女相處融洽。	邱澤在劇中會有飛車的危險鏡頭。

飾演杏兒弟弟的邱澤表示，角色是一個不務正業的叛逆太子爺，在劇中更會有亡命飆車的危險場面。自稱單身的他指因要拍劇，情人節和新年都不會回台灣。