陳嘉桓學色誘做小三

曾與林峯傳緋聞的女星陳嘉桓(Rose),在主演的愛情微電影中破格飾演有婦之夫楊尚斌(Ben)的小三,更穿上低胸短裙主動勾引對方上床!雖然Rose直言在現實中不會當小三,但她笑言:「真係未試過咁樣勾引男人,夠晒勁!我睇咗幾套色誘戲,閂埋門對住塊鏡練習表情,搞到阿媽問做咩匿埋洗手間咁耐!」

Rose不抗拒與圈中人拍拖,並希望未來男友於驚喜情況下向她求婚:「有時喺網上見到一些情侶喺鬧市求婚,當個女仔仲陶醉緊浪漫情景、喊到豬頭之際,原來已畀人拍低過程,真係幾sweet!」