徐子淇人魚Barbie

一眾娛圈中人也因應熱潮又金又銀，向高難度挑戰，其實金銀稍一襯錯，就似金銀衣紙披上身，認真大吉利是！星級形象指導郭慶彬教配搭術，他指金色較銀色易被接受，金襯黑，銀襯nude或白色是最穩陣的襯法，若然愛金又怕受唔起，大可選擇香檳金。

郭慶彬Profile

星級形象指導郭慶彬（Ricky）早前遠赴米蘭與巴黎時裝周，出席Max Mara、Sportmax、Chanel、Valentino與Jean Paul Gaultier等品牌，也曾被邀在中國時尚節目《美麗俏佳人》擔任嘉賓主持。Ricky曾為李冰冰、吳君如、張惠妹等擔任造型師，地位被肯定。

張栢芝 這襲銀色拖尾晚裝裙形態十足美人魚，沒有多餘飾物配襯，加埋all back髮型，簡單時尚。	徐濠縈 銀色襯上灰色tone，睇落舒服，令人易接受，再加埋腰帶、頸鏈加clutch，全部撞得出色。	關淑怡 着得唔娘，型得有star power，好彩她懂襯對高跟鞋拉長身段比例，令的骰身形顯得均勻。