陳見飛自訂色戒 有sex冇baby
久未露面的前歌手陳見飛（Tricia），信奉基督教的她曾揚言不會有婚前性行為，前晚她出席餐廳酒吧開幕，透露與拍拖三年半的男友感情穩定共賦同居，現時守則是「婚前不要小朋友」，自爆破戒之餘更將要求降低！
前晚Tricia出席友人的餐廳酒吧開幕，其他出席嘉賓還有名模Amanda S.、Rosemary、傅嘉莉、貝安琪、徐濠縈、周立璟夫婦、甘國亮、趙式浩等。久未露面的Tricia現於北京工作，在當地租了寓所，故經常北京、香港兩邊飛，那男友是否同行？她說：「佢喺香港住，佢唔鍾意北京，所以我返嚟探佢！」
與男友已同居
Tricia表示二人拍拖三年多，感情穩定，在香港亦是同居，是虔誠基督徒的她仍遵守不要婚前性行為？她即尷尬地說：「依家係no baby before marry（婚前不要小朋友）。之前我啱啱信主，好多守則都跟足，但依家會放鬆少少。（即係破戒？）我覺得冇問題，呢樣嘢係一件美麗嘅事，唔好睇到係唔好嘅嘢。」問到可有結婚計劃？Tricia說：「其實結婚只係一張紙，或者我哋會飛去泰國嘅小島結婚，而且我哋都住埋咁耐，同結咗婚冇乜分別；之前都試過想籌備，但我好多屋人喺唔同地方，要約埋一齊都有難度。」
阿徐請來周迅
同場的徐濠縈透露2月初將會開設第三間時裝店，屆時會邀得周迅來港出席，問到老公陳奕迅有何意見？她笑說：「佢都好支持，但就叫我唔好再咁忙，不過我有三間舖頭已經好滿足，暫時都唔會再開住。」至於蛇年可有造人大計？她指自己怕蛇，故今年應該不會生BB。
文：名人組