吳致毅冠軍之子打出前途
身為一代武打演員戚冠軍（原名吳棟材）之子，吳致毅從沒想過要入娛樂圈繼承衣鉢，直至父親鼓勵下才加盟英皇，向影圈發展。練得一身好武功的他，原來年幼時竟不知道父親是大明星：「我細個時根本唔知佢做咩，後嚟佢開武館，有記者做訪問先知佢係拍戲嘅，跟住咪搵佢以前主演嘅電影嚟睇囉。」
吳致毅加入英皇月餘，便夥拍師姐鍾欣桐參演新戲，最難忘的是拍攝大型跳舞場面：「當晚講我哋開派對，由入黑拍到凌晨，點知我成日踩到阿嬌隻腳囉。」
他因一口半鹹不淡的廣東話，經理人自然想他長期留港苦練，但他卻說：「喺香港長住生活費好貴，我依家有工作先從台灣飛嚟，條數慳好多。」
